Ақылы негізде оқуға түсу процесі

Шаг 1. Қабылдау емтиханың тапсыру.

Қысқартылған оқу мерзімдерін көздейтін білім беру бағдарламаларының топтары бойынша даярлаудың ұқсас бағыттарына ақылы негізде түсу үшін қабылдау комиссиясы түсу емтиханын өткізеді. 20 шілдеден бастап қабылдау емтиханын тапсыруға өтініш беруге болады. Өтінішке білімі туралы құжат, жеке куәлік, 075/е нысаны бойынша Медициналық анықтама және 3х4 6 фотосурет қоса беріледі.

Қабылдау емтиханының бағдарламасымен мына жерден танысуға болады.

Қабылдау емтиханын өткізу нысаны: ауызша емтихан.

Түсу емтиханын тапсыру қорытындысы бойынша талапкер оқуға түсуге «ұсынылады» немесе «ұсынылмайды».

Өз қаражаты есебінен жоғары білім ББ, техникалық және кәсіптік, орта білімнен кейінгі және екінші жоғары білім беру мамандықтарының туыстық топтары үшін әңгімелесу өткізу кестесі 2024

Емтиханның нәтижелері оқуға түсушілердің назарына емтиханнан кейін немесе емтихан өткізілетін күні жеткізіледі.

Апелляцияға өтінішті арнайы немесе шығармашылық емтихан тапсырған адам апелляциялық комиссия төрағасының атына жеке өзі береді. Өтініштер арнайы немесе шығармашылық емтихан нәтижелері жарияланғаннан кейін келесі күні сағат 13-ке дейін қабылданады және апелляциялық комиссия бір күн ішінде қарайды.

2-қадам. Оқуға қабылдану.

Университетке қабылдау үшін талапкер 10 тамыз бен 25 тамыз аралығында қабылдау комиссиясына келесі құжаттардың түпнұсқаларын ұсынады:

• оқуға түсу өтініші;
• жалпы орта, техникалық және кәсіптік, орта білімнен кейінгі немесе жоғары білім туралы құжат (түпнұсқа);
• жеке басын куәландыратын құжат (жеке басын сәйкестендіру үшін қажет);
• өлшемі 3х4 сантиметр болатын 6 фотосурет;
• 075/е нысаны бойынша Медициналық анықтама;
• ҰБТ сертификаты;
• ведомостан үзінді (арнаулы және (немесе) шығармашылық даярлықты талап ететін жоғары білімнің білім беру бағдарламалары бойынша, оның ішінде "Педагогикалық ғылымдар" және "Денсаулық сақтау" білім беру салалары бойынша түсушілер үшін);
• білім беру грантын беру туралы электрондық куәлік (бар болса);
• басым құқықтың және квотаның берілгенін растайтын құжаттар (бар болса).

Оқуға түсу үшін талапкер университетпен білім беру қызметтерін көрсету туралы шарт жасасуға міндетті. Егер оқуға түсуші 18 жасқа толмаған болса, онда білім беру қызметтерін көрсету туралы шарт жасасу кезінде оның заңды өкілінің немесе кепілгерінің болуы міндетті. Оқуға түсуші өкілінің өзімен бірге жеке куәлігінің түпнұсқасы мен көшірмесі, сондай-ақ құжаттарды тікелей университеттің қабылдау комиссиясында ресімдеу кезінде оның заңды өкіл ретіндегі құқықтарын растайтын құжаттары болуы қажет.

Шетелдік білім беру ұйымдары берген білім туралы құжаттар оқытудың бірінші академиялық кезеңі ішінде адамдарды қабылдағаннан кейін Қазақстан Республикасының заңнамасында белгіленген тәртіппен құжаттарды тану рәсімінен өтеді.